Златан Ибрахимовиќ вчера ги загрижи фановите на Милан и воопшто на италијанскиот фудбал откако заработи повреда на тренинг.
„Скај Италија“ пренесе дека се работи за повреда на Ахиловата тетива и дека на Ибрахимовиќ му претстои долга пауза, па дури се шпекулираше со крај на кариерата.
Денес на напаѓачот му беа направени детални лекарски прегледи, а Милан со официјално соопштение ги израдува своите фанови.
„Златан Ибрахимовиќ има истегнување на бутниот мускул и нема никакво оштетување на Ахиловата тетива. Нови тестови ќе бидат направени за десетина дена“, соопштија од Милан.
Со оваа повреда се очекува Златан комплетно да се рехабилитира за две до три недели и ќе биде во можност да ја доигра сезоната во дресот на Милан.
Comunicato Ufficiale: https://t.co/enL5wbhKWl pic.twitter.com/1UiRLoAv4R
— AC Milan (@acmilan) May 26, 2020
Учество во игри на среќа е дозволено за лица со 18+ години. Играј одговорно!