Милан оваа недела носи две засилувања

Италијанските медиуми пренесуваат дека Милан веќе договорил две засилувања и ќе ги официјализира во следните неколку дена.

Првото засилување треба да биде Оливие Жиру. Францускиот напаѓач има комплетен договор со „росонерите“ и ќе потпише двегодишен договор тежок 4 милиони евра по сезона.

Челзи ја искористи опцијата да го продолжи договорот на Жиру за уште една сезона, но „сините“ се спремни да го пуштат бидејќи напаѓачот побарал да се пресели во Милано.

„Росонерите“ исто така постигнаа договор со Реал Мадрид за Брахим Дијаз. Шпанецот и следната сезона ќе игра на „Сан Сиро“ како позајмен фудбалер, а следното лето Милан ќе има опција да го откупи за 20 милиони евра.

📰 MN: #ACMilan could secure signings of Brahim Diaz and Giroud this weekhttps://t.co/PKReFGwNq9 #SempreMilan

— SempreMilan (@SempreMilanCom) June 21, 2021