Милан и Јувентус во битка за ѕвездата на Реал Мадрид

Италијанските и шпански медиуми пренесуваат дека Милан и Јувентус се сериозно заинтересирани за играчот на Реал Мадрид, Матео Ковачиќ.

Ковачиќ подолго време беше надвор од тимот поради повреда, но јасно е дека за него нема многу простор за игра покрај Касемиро, Крос и Модриќ.

„Дон Балон“ пренесува дека Хрватот сака да ја промени средината уште во зимскиот преоден рок бидејќи му е потребна поголема минутажа пред Светското првенство следното лето.

Најсилен интерес за неговиот потпис во моментов покажуваат италијанските гиганти Милан и Јувентус, кои сакаат да ја искористат ситуацијата и да го вратат плејмејкерот во Серија А.

Не е исклучена можноста италијанските клубови да понудат 6-месечна позајмица со можност на откуп на крајот на сезоната, а медиумите тврдат дека „кралевите“ за неговата слобода ќе бараат најмалку 45 милиони евра.