Милан ги послуша навивачите, ќе ги намали цените на билетите за ЛШ

Mилан после седум години се врати во Лигата на шампионите и во групната фаза „росонерите“ ќе играат против Ливерпул, Атлетико Мадрид и Порто.

Милан вчера ги пушти во продажба билетите за трите домашни натпревар, но високите цени предизвикаа револт кај навивачите.

Милан првиот домашен натпревар го игра против Атлетико на 28-ми септември и цената на билетите е дури 119 евра, што е двојно повисока цена од билетите на градскиот ривал Интер.

Навивачите изразија негодување, а Милан веднаш реагираше и генералниот директор Иван Газидис денес најави дека продажбата е стопирана и цените на билетите ќе бидат намалени.

Biglietti Champions: il messaggio di Ivan Gazidis ai tifosi ➡️ https://t.co/KNPJXhnfHB#UCL tickets: a message from Ivan Gazidis to the Rossoneri ➡️ https://t.co/2VPiC4bU0O#SempreMilan pic.twitter.com/wGxTm8ze2w

— AC Milan (@acmilan) September 5, 2021