Милан во јануари се засилува од Мадрид

За Себаљос повеќе нема место во Реал Мадрид и „кралевите“ му порачале дека може да си бара нов клуб.

28-годишниот плејмејкер ова лето одби неколку понуди со цел да се докаже дека вреди во тимот на Карло Анчелоти, но сега е спремен да ја промени средината.

Интерес за Себаљос покажуваат неколку клубови од Серија А, пред се Милан кој сака да го доведе во јануари.

Реал за неговата слобода бара „само“ 10 милиони евра, сума која нема да биде проблем за „росонерите“, кои сакаат да го засилат средниот ред.