Милан во јануари може да позајми играч од Наполи

„Росонерите“ би можеле да добијат значајна помош од поранешниот тренер.

Карло Анчелоти може да им помогне „росонерите“ во тешката ситуација со повредените фудбалери.

Милан во овој момент има навистина големи проблеми со повредите, па според медиумите во Италија со цел да ги пополнат „дупките“ од Наполи до крајот на сезоната како позајмен фудбалер би можел да пристигне Амаду Диавара.

Младиот играч со дефанзивни карактеристики од средината на теренот оваа сезона запиша четири настапи во Серија А и се очекува и тој самиот да прифати промена на средината.

Идејата е Диавара да оди на позајмица на „Сан Сиро“ во јануари до крајот на сезоната.

Ова засилување во овој момент за Милан може да биде навистина вредно, но многу ќе зависи и од УЕФА бидејќи поради ФФП Милан е под лупа на европската фудбалска унија.