Меси: Тука сум да победувам и да се забавувам

Лионел Меси вчера беше претставен како ново засилување на Интер Мајами.

Меси се појави пред полни трибини и доби силни овации од навивачите, по што му беше доделена „десетката“ на Мајами.

„Многу сум среќен што сум овде! Едвај чекам да почнам со тренинзи и игри. Тука сум да победувам и да му помогнам на тимот, како и секогаш. Ќе се забавуваме многу“, рече Меси на презентацијата.

„Пред 10 години, кога го почнав моето патување за изградба на нов тим во Мајами, реков дека сонував да ги доведам најголемите играчи во светот во овој неверојатен град. Денеска тој сон се оствари“, изјави Бекам.