Манчестер Јунајтед со промени во структурата, има нов спортски и технички директор

Манчестер Јунајтед денес изненадувачки објави значајни промени во клупската структура и назначи нови директори на две позиции.

Џон Марто официјално ја презема фукцијата на нов спортски директор, а Дарен Флечер кој од пред еден месец беше во штабот на Солскјер, сега е назначен за технички директор.

Марто од 2013 година беше одговорен за фудбалскиот развор на академијата и првиот тим. Тој сега ја презема функцијата на спортски директор и ќе биде одговорен за спортската стратегија на клубот.

Поранешниот фудбалер Дарен Флечер е назначен за нов технички директор, тој ќе работи со Марто и негова функција ќе биде врската помеѓу раководството со првиот тим и академијата.