Манчестер Јунајтед се поблиску до Санчо

Сагата на трансферот на Џејдон Санчо од Борусија Дортмунд во Манчестер Јунајтед е при самиот крај.

Така барем тврдат авторитетните англиски медиуми кои откриваат дека двата клуба се блиску до договор за трансфер тежок 75 милиони фунти.

Јунајтед го сакаше Санчо уште минатото лето, но тогаш Борусија бараше неверојатни 108 милиони фунти, па двете страни не стигнаа до договор.

Санчо има комплетен договор со „црвените ѓаволи“ и инсистира да се пресели на „Олд Трафорд“, а Борусија Дортмунд има финансиски проблеми и мора да го продаде Англичанецот.

Неговата цена падна поради слабата сезона, но и поради финансиските загуби на клубовите поради пандемијата.