Манчестер Јунајтед се надева да го задржи Мата

Манчестер Јунајтед има намера да го продолжи договорот со играчот од средниот ред Хуан Мата, пренесуваат англиските медиуми.

Според „ЕСПН“, „црвените ѓаволи“ веќе му понудиле продолжување на соработката на 31-годишниот Шпанец и сега чекаат одговор.

Актуелниот договор на Мата истекува на 30-ти јуни и тој веќе има понуди од Шпанија и Италија, па се чека негова конечна одлука каде ќе ја продолжи кариерата.

Тој се пресели на „Олд Трафорд“ во 2014 година. Со тимот Мата ја освои Лигата на Европа, ФА Купот и „Комјунити шилд“.

Оваа сезона Мата запиша 32 натпревари за Манчестер Јунајтед, постигна 6 гола и даде 2 асистенции.

Иако се очекуваше сигурно да замине од „Олд Трафорд“ ова лето, сепак клубот одлучи да му понуди нов договор и ќе направи се да го убеди да остане.