Манчестер Јунајтед е сериозен за Каземиро, спреми 80 милиони

Манчестер Јунајтед е во потрага по квалитетен играч за врска, а откако пропаднаа трансферите на Де Јонг и Рабио, сега се насочува кон ѕвездата на Реал Мадрид.

Еминентниот новинар, Серхио Сантос тврди дека Јунајтед е сериозен во намерата да го ангажира Каземиро и спремил понуда од 80 милиони евра.

За да го убедат Бразилецот да прифати трансфер на „Олд Трафорд“ „црвените ѓаволи“ му нудат двојно повисока плата од таа која ја заработува во Реал Мадрид.

Манчестер Јунајтед од почетокот на трансфер пазарот преговараше за трансфер на Френки де Јонг, но откако дефинитивно пропадна трансферот се насочуваат кон Каземиро.

30-годишниот Бразилец има договор с Реал Мадрид до 2025 година, па останува да видиме како ќе реагираат „кралевите“ на оваа понуда.

🚨 Manchester United are willing to pay around €80m for Casemiro. United's offer is tempting to Casemiro because they would double his current salary. He's considering it.

(Source: @Santos_Relevo) pic.twitter.com/Onl5U6R8gs

— Transfer News Live (@DeadlineDayLive) August 17, 2022