Македонија ја надигра Бугарија, но не ја победи

Македонската репрезентација одигра реми со Бугарија (1:1) во Разград на првиот меч од Лигата на нации.

Македонија беше подобра репрезентација, ја надигра Бугарија во сите сегменти и поради тоа може да жали што не ги освои трите бода.

Од самиот старт избраниците на Милевски тргнаа офанзивно и покажаа дека се дојдени по трите бода, но во 13-та минута Бгарија после еден контранапат  Кирил Десподов донесе предност за Бугарите.

До крајот на полувремето нашите репрезентативци создадоа неколку убави шанси, но не успеаа да израмнат.

Теренската надмоќ се материјализираше во во 50-та минута кога Милан Ристовски израмни на 1:1. До крајот Македонија доминираше, но не успеа да стигне до пресврт.

Судијата Пињар во 90-та покажа пенал за Бугарија, поради наводно играње со рака на Муслиу, но откако ја прегледа ВАР-снимката, сепак, ја поништи одлуката.