Луис Хамилтон најбрз, еден-два победа на Мерцедес!

Луис Хамилтон и Валтери Ботас обезбедија еден-два победа за Марсецес на трката за ГН на Шпанија.

Хамилтон доминираше на ГН на Шпанија, ја поведе трката од пол-позиција и не беше на чело на колоната само кога влезе во бокс да замени пневматици.

Второпласиран трката ја заврши тимскиот колега на Хамилтон, Ботас, додека трет беше Макс Верстапен кој имаше одлична трка. Пилотот на Ферари, Себастијан Фетел ја освои четвртата позиција.

Вториот болид на Ферари не ја заврши трката, откако Кими Раиконен заврши со дефект во боксот и не ја продолжи трката, додека Рикиардо го освои петтото место.

Бодови обезбедија уште и Магнусен, Саинц, Алонсо, Перез и Леклерк.

Наредната трка во шампионатот на Формула 1 е на крајот на овој месец а ќе се вози низ улиците на Монако.