Луис Суарез му препорача засилување на Ливерпул

Ливерпул ќе се обиде на лето да го донесе во своите редови напаѓачот на Селта, Максимилиано Гомес, пренесуваат англиските медиуми.

Уругвајаскиот репрезентативец игра фантастична сезона во дресот на Селта и го привлече вниманието на многу европски гиганти, а неговата цена во моментов изнесува околу 40 милиони евра.

Англиските медиуми тврдат дека Гомес на Ливерпул му го препорачал бившиот напаѓач Луис Суарез, кој одлично ги познава квалитетите на својот сонародник.

Минатата сезона 22-годишниот Уругваец постигна 17 гола во 39 меча за Селта, а Гомес имаше и одлични настапи за уругвајската репрезентација и на Светското првенство.

Liverpool want Celta Vigo and Uruguay striker Maxi Gomez.

Here's what the papers say
? https://t.co/OzLtp4m9NQ pic.twitter.com/mUMUjppB4H

— BBC Sport (@BBCSport) March 4, 2019

Во јануарскиот преоден рок Вест Хем покажа сериозен интерес за Гомес и Уругваецот беше на чекор од Премиер лигата, но трансферот пропадна во последен момент.

Инетрес за Гомес покажува и тимот на Барселона, која во него гледа наследник на Луис Суарез во тимот.

Поради тоа во летниот преоден рок сигурно ќе гледаме голема битка за потписот на овој талентиран напаѓач.