Лидс верува дека ќе го задржи Алиоски

Иднината на Езѓан Алиоски и понатаму е неизвесна, откако му заврши договорот со Лидс.

Нашиот репрезентативец на крајот на месецот ќе биде слободен агент, а интерес за него покажуваат неколку клубови ширум Европа.

Лидс сака да го задржи во своите редови и е оптимист дека ќе најде заеднички јазик за продолжување на соработката.

Англиските медиуми пренесуваат дека Марсело Биелса сака да го задржи Алиоски, а раководството е во постојан контакт со неговите агенти.

Алиоски минатата сезона беше еден од најстандардните во составот на Лидс, а и самиот во неколку наврати истакна дека за него приоритет е останување во Премиер лигата.