Нема да се пресели кај Барди, но се појави нов клуб од Турција за Алиоски?

Македонскиот репрезентативец Езгјан Алиоски е во потрага по можност за замиување од Саудиска Арабија бидејќи веќе подолг период е вишок во тимот на Ал-Ахли.

Во претходните денови се појави шпекулација дека може да се пресели кај Барди во Трабзонспор, сепак таа опција пропадна. Но, според последите информации од Турција се појавила нова можноста.

Наводно, Алиоски преговара со тимот на Анкарагучу каде што тренер е славниот Емре Белозоглу. Алиоски побарал од Ал-Ахли или да биде вклучен во првиот тим или да му биде раскинат договорот.

Во изминатите шест месеци тој беше надвор од тимот бидејќи Ал Ахли ги пополни местата за странци со други фудбалери. Алиоски во минататото во Турција го носеше дресот на Фенербахче.