Крос: Реал Мадрид е подготвен за уште една титула во Лигата на шампионите

Реал Мадрид во последно време започна да ја подига својата форма, а еден од најискусните фудбалери во тимот на „кралевите“, Тони Крос верува дека неговиот тим е подготвен за нова титула во најелитното европско натпреварување.

Шпанскиот гигант има неверојатна серија како ниту еден клуб претходно – три титули во низа во Лигата на шампионите, а Крос е убеден дека можат да стигнат и до четвртата.

Првиот предизвик за Реал во нокаут фазата е холандски Ајакс против кој првиот натпревар ќе го играат вечерва.

„Очекуваме Ајакс да игра против нас со максимална мотивација, тоа е нормално. Против Баерн покажаа колку можат да бидат опасни. Меѓутоа во последните години во Лигата на шампионите секогаш бевме максимално подготвени и фокусирани. Доколку не беше така немаше да ја освојуваме титулата три години во низа. Верувам дека и оваа година можеме да се најдеме на тронот. Во добро расположение го дочекуваме овој натпревар, но не го потценуваме Ајакс“.

Првиот натпревар од двомечот се игра во Амстредам.