Креспо: Икарди не е во репрезентацијата поради Меси и тоа е голема грешка

Легендарниот фудбалер на Аргентина Ернан Креспо смета дека Аргентина на наредниот Мундијал нема да биде толку добра доколку Мауро Икарди биде изоставен.

Креспо е голем почитувач на играта и квалитетите на Мауро Икарди.

„Доколку јас сум во Интер, никогаш не би г продал Икарди. Каков знак би било тоа за навивачите кога би го продале најдобриот играч?“, запраша Креспо и продолжи:

„Во казнетиот простор Икарди нема конкуренција. Кога ќе добие топка тој е смртоносен. Покрај Меси и Роналдо, многу фудбалери се борат за третото место, а јас тука би го сместил и Икарди“.

„Колку што гледам се изоставува бидејќи не е пријател со Меси или можеби се лажам? Верувам дека тоа би било голема грешка, Аргентина има потреба од напаѓач каков што е тој“, смета Креспо.

Икарди оваа сезона навистина е смртоносен за голманите во Италија, но и покрај тоа големи се шансите да не биде дел од Мундијалот.