„Кралот“ руши рекорди: Реал го потпиша најбогатиот договор во историјата!

Реал Мадрид се наоѓа во голема криза на резултати и моментално е со привремен тренер, но комерцијалниот дел кај „кралевите“ работи беспрекорно.

Пример за тоа е новиот спортски договор кој го договори Реал Мадрид со германската компанија „Адидас“ кој ќе биде најбогат во историјата на фудбалот.

Имено, мега – договорот наскоро ќе биде потпишан, а тој изнесува неверојатни 1,1 милијарда евра. Договорот ќе биде со важност од десет години (2020-2030) и ќе биде најгоголем во историјата на фудбалот.

Исто така овој договор ќе направи дресот на Реал Мадрид да биде најскап во светот!

Со гарантирани 110 милиони евра годишно само од „Адидас“, со останатите спонзорски договори дресот на Реал Мадрид годишно ќе носи приходи од 180 милиони евра. Минатата година „кралевите“ потпишаа договор со „Флај Емерита“ на 70 милиони евра годишно.

#RealMadrid da record: più di un miliardo da #Adidas per la maglia https://t.co/BJqfvKh72e pic.twitter.com/BbdscSIB7X

— calciomercato.com (@cmdotcom) November 5, 2018