Кошмарна најава за Ливерпул: Најчесно би било сезоната во ПЛ да се поништи!

Карен Брејди ко-сопственичката на Вест Хем смета дека оваа сезона во Премиер лигата би требало да се поништи поради коронавирусот.

Поради пандемијата од коронавирусот Премиер лигата како и поголемиот дел од европските национални првенства се прекинати до почетокот на април. Прекинот кај Англичаните е предвидено да трае до 3. април, меѓутоа се зависи од тоа како ќе се одвива ситуацијата.

„Нема сомневање дека постои можност фудбалската сезона во Англија да биде откажана и поништена. Управата на Премиер лигата смета дека период од три недели е доволен за продолжување на натпреварувањето, но тоа е далеку од реалноста. Ако фудбалерите не можат да играат, првенството не може да биде завршено“.

„Единствено разумно решение е целата сезона да се поништи. Како ќе знаеме кој би напредувал на табелата, кој би испаднал од лигата? Навистина, тоа би било тежок удар за Ливерпул, но за мене тоа е најразумно. За тоа ќе разговараме на состанокот наредната недела“, изјави Брејди.

Ливерпул на титулата во Премиер лигата чека цели 30 години и само поништување на сезоната може да ги спречи „црвените“ сезонава да станат шампиони бидејќи им се потребни само уште две победи.