Конте пред најголемиот предизвик: Стигнаа лошите вести за Мората

Иако порано денес беше најавено дека Алваро Мората ќе биде подготвен веднаш по репрезентативната пауза, вечерва од Островот стигнуваат поинакви информации.

Како што пренесуваат англиските медиуми, Мората би можел да паузира и до шест недели, што значи дека ќе пропушти шест важни меча.

Доколку биде во аут до средината на ноември, тоа значи дека сигурно ќе ги пропушти обата меча со Рома во ЛШ, како и дуелите со Кристал Палас, Вотфорд и Евертон во Премиер лигата, и најмалку важниот меч од Лига Купот исто така со Евертон.

Со оглед на тоа дека Мората е единствен напаѓач во кој Конте има доверба, што покажува и потегот кога наместо повредениот Шпанец во игра го воведе Вилијан, а не Бачуаи, Челси ќе биде на големи искушенија и во следниот период.

За среќа, во тимот се вратија Еден Азар, Педро и Вилијан, иако многумина сметаат дека ова е времето на Бачуаи.