Конте: Кога ќе погледнете подобро ќе видите дека Лукаку и не го плативме многу

Интер вчера во својот прв натпревар во Серија А на „Џузепе Меаца“ го совлада Лече со високи 4:0.

Екипата на Антонио Конте прикажа одлична игра, а веднаш на дебито за Интер гол постигна Ромелу Лукаку кој пристигна ова лето како големо засилување.

Тренерот на Интер после завршувањето на натпреварот зборуваше за својата екипа, па го спомена и Лукаку.

„Лукаку во светот на Интер влезе на најдобар можен начин. Тој е нежен ѕвер кој секогаш има насмевка на лицето. Спремен е да работи за тимот и да се стави на располагање на соиграчите. Исто така сакам да нагласам дека Лаутаро Мартинез играше исто така добро и ги заслужвуа сите пофалби. Не треба да заборавиме дека Лукаку го плативме 65 милиони евра за да го имаме во наредните пет години, па кога ќе погледнеме и не е така многу. Вечерва Лукаку покажа зошто толку сакавме да го доведеме“.

„Беше тоа само прв натпревар, па можеме да славиме до полноќ, но од 00:01 мораме да почнеме да размислуваме за натпреварот со Каљари“, изјави Конте.