Конор покажа големина во тешките денови за Кабиб: Се молам за семејството Нурмагомедов

Ирскиот борец кој често пати го провоцираше Дагестанецот преку социјалните мрежи сега испраќа порака на поддршка до неговиот татко кој според она што се пишува во медиумите е во тешка состојба.

Руските медиуми пишуваат дека Абдулманап е во воената болница во Москва и дека му се забранети посетите, дури и од неговото семејство. Во болница таткото на Кабиб завршо поради воспаление на белите дробови, состојбата му се влошила кога му се појавиле и проблеми со срцето.

Наводно, докторите во Дагестан не сфатиле веднаш колку е сериозна неговата состојба, па затоа во тешка состојба стигнал во Москва.

„Се молам за опоравување на Абдулманап Нурмагомедов. Човекот кој е одговорен за повеќе светски шампиони, во повеќе дисциплините отколку што ние знаеме. Вистински боречки гениј! Тажен сум од кога ја слушнав оваа вест. Молитви за семејство Нурмагомедов“, напиша Мекгрегор.

Абдулманап инаку е на возраст од 57 години.

Praying for the recovery of Abdulmanap Nurmagomedov. A man responsible for more World champions, across multiple fighting disciplines, than we even know.
A true martial genius!
Very saddened upon hearing this news tonight.
Praying for the Nurmagomedov family at this time ? https://t.co/OVklQphPgN

— Conor McGregor (@TheNotoriousMMA) May 13, 2020