Колман и официјално нов предводник на Сандрленд

Велшкиот фудбалски стратеф, Крис Колман од денес и официјално е нов тренер на Сандрленд.

„Црните мачки“ играат очасно и оваа сезона во Чемпионшип и големи се шансите да испаднат по оваа сезона. Тие моментално се наоѓаат на последната позиција со само 11 освоени бодови од 17 одиграни кола, а екипата на Бирмингем, која се наоѓа во сигурната зона им бега четири бода.

За потсетување, Колман неодамна го напушти клубот од Велс кој го предводеше до полуфиналето на ЕП изминатата година, но замина откако не успеа да обезбеди пласман на Мундијалот.

Освен Велс, Колман во текот на кариерата ги предводеше Фулам, Реал Сосиједад, Ковентри Сити и АЕЛ.