Клоп пронајде една мана на Обамејанг

Во рамките од третото коло во Премиер лигата денес на „Енфилд“ од 18:30 часот ќе се сретнат Ливерпул и Арсенал.

Ова ќе биде дербито на колото и натпреварот кој привлекува најмногу внимание, а за голот на Ливерпул најголема опасност ќе биде Пјер Емерик Обамејанг со кого тренерот на Ливерпул имаше прилика да соработува во Борусија Дортмунд.

Клоп пред натпреварот зборуваше за Габонецот и во таа прилика кажа дека е духовит и дека во неговата игра нема некоја слабост.

„Мана на Обамејанг? Ги нема. Единствено можеби лошо се облекува. Кога играме против него правиме план како да се браниме. Се сеќавам дека во Дортмунд дојде како крилен напаѓач, а нас тогаш ни беше потребна „деветка“ затоа што замина Левандовски. На крајот се покажа како одличен центарфор. Постепено се развиваше и стана гол машина“, изјави Клоп.

И Ливерпул и Арсенал одлично ја отворија сезоната и имаат по шест бодови после два одиграни натпревари.