Клоп му пратил порака на Ловрен: Ни недостасуваш!

Хрватскиот репрезентативец Дејан Ловрен го напушти „Енфилд“ минатото лето и се пресели во Зенит.

Ловрен помина шест сезони на „Енфилд“, но во последните две сезони не беше во прв план кај тренерот Јирген Клоп.

Откако замина Ловрен, Ливерпул се соочува со големи проблеми во одбраната поради сериозни повреди на Ван Дајк и Џо Гомез.

Клоп во зимскиот преоден рок размислува за нов стопер, а Ловрен откри дека му испратил порака и му признал дека недостасува во Ливерпул.

„Воопшто не ми е жал што заминав од Ливерпул. Пред крајот не бев среќен затоа што не играв. Јирген Клоп тоа добро го знае, а еднаш ми пиша во порака дека му недостигам, но не му одговорив ништо. Сигурен сум дека јас им недостасувам повеќе, отколку тие мене“, вели Ловрен.