Клоп во голем проблем: Крај на сезоната за одличниот дефанзивец!

Ливерпул славеше со 2-0 против Шефилд јунајтед, но тренерот Јирген Клоп по натпреварот доби лоша вест, а тоа е дека Жоел Матип се повредил.

Матип го повредил коленото поради кое ќе паузира до крајот на сезоната. Тој се здоби со повреда во завршницата на мечот против Фулам, а Клоп уште тогаш најави дека проблемот е голем.

„За жал, се остварија прогнозите. Матип ги скина вкрстените лигаменти во коленото. Ќе видиме кога ќе се врати на теренот“, кажа Клоп.

Повреда на дуелот со Шефилд заработи и Мекалистер, кој ќе мора да мине извесно време надвор од терените, засега не е познато до тој би се вратил на терените.