Класата е вечна: Меси и дружината ја торпедираа Селта (ВИДЕО)

Иван Ракитиќ го постигна последниот погодок за Барселона во торпедото над Селта во осминафиналето од Купот во Шпанија.

Каталонците со 5:0 на домашен терен го потврдија пласманот во следната фаза по одиграните 1:1 во првиот меч.

Џорди Алба и Лионел Меси ги торпедираа гостите во само неколку минути од првото полувреме. Алба во 13. минута му асистираше на Меси за 1:0, а две минути подоцна Аргентинецот сервираше топка и за 2:0. Не минаа ниту 15 минути, а Меси ја возврати услугата и му асистираше на Алба за третиот погодок на мечот.

Само три минути подоцна, Луис Суарез погоди за 4:0 на полувреме.

Три минути пред крајот на мечот и Иван Ракитиќ се запиша во листата на стрелците.