Кларен Сидорф тренер на клуб од Примера?

Секогаш добро информираниот Џанлука Ди Марцио пренесува интересна вест поврзана со легендата на Милан, Кларен Сидорф.

Според информациите на Ди Марцио, Кларен Сидорф би можел да седне нa клупата на Депортиво Ла Коруња во шпанската примера.

Холанѓанецот не е единствената опција, но секако е најзвучното име, иако како тренер се уште не се докажал.

Сидорф во својата кариера како тренер до сега ги водеше екипите на Милан и кинескиот Шенжен и во двата клуба се задржа краток период, а од декември 2016 е без ангажман.

Депортиво во минатото коло доживеа дебакл на „Сантијаго Бернабеу“, Реал славеше со 7:1, а во последните пет натпревари освои само еден бод, па и не чуди што се наоѓаат во зоната на испаѓање.