Кеси се враќа во Серија А во „предавнички“ трансфер

Италијанските медиуми пренесуваат дека Франк Кеси може експресно да се врати во Сеерија А и тоа во големиот ривал на Милан.

Кеси ова лето го напушти Милан и како слободен агент, но не е задоволен од третманот што го има во Барселона каде добива мала минутажа и главно е на клупата за резерви.

Поради тоа репрезентативецот на Брегот на слоновата коста сака уште во јануари да ја промени средината, а интерес за него покажува Интер.

„Нероаѕурите“ се спремни да го донесат на позајмица со право на откуп на крајот на сезоната за 20 милиони евра.

Доколку дојде до овој трансфер сигурно фановите на Милан нема да му простат бидејќи тој беше миленик на „росонерите“.