Катастрофа за Јунајтед – Играат добро, НО како против НАЈДОБРИТЕ на гости?

Манчестер Јунајтед се наоѓа на второто место на табелата веднаш зад градскиот ривал Сити со заостанување од два бода. Меѓутоа, навивачите на Јунајутед и Мурињо би требало да ги загрижуваат други работи.

Иако во првите осум првенствени натпревари освоија 20 бодови од можни 24, избраниците на Жозе Мурињо имаат навистина сериозен проблем.

Имено, Јунајтед во измината година одигра шест натпревари на гостински терен против најдобрите пет тимови во Премиер лигата и има катастрофален учинок, не знае за победа на ниту еден од тие натпревари.

Ремизираа против градскиот ривал Сити, два пати на „Енфилд“ против Ливерпул, а загубија против Арсенал, Тотенхем и Челзи со очајна гол разлика 1:8.