Каталонски „Спорт“ тврди: Фудбалерите на Барса го бараат Кутињо!

Во текот на изминатото лето екипата на Барселона правеше огромни напори да го доведе Фелипе Кутињо, но сепак Ливерпул не попушти, па Бразилецот остана на „Енфилд“

Сепак, Фелипе Кутињо и понатаму продолжи да се поврзува со Барселона. Каталонскиот ‘Sport’ денес ја посвети својата насловна страница на човекот кој важи за голема желба на Барселона.

Каталонскиот медиум пишува дека фудбалерите на Барселона, побарале од управата Кутињо да биде доведен во следниот преоден рок. Од друга страна Ливерпул е отворен да преговара за неговиот трансфер, но сумата сигурно не би била помала од 150 милиони евра.

Да потсетиме во Барселона во летниот преоден рок пристигнаа Паулињо и Осман Дембеле. Дембеле се очекуваше да биде големо засилување, но се повреди во својот прв настап за Барселона, но сега е спремен за враќање на терените.