Карагер: Трансферот на Роналдо е подобар за Премиер лигата, отколку за Јунајтед

Кристиано Роналдо се врати во Манчестер Јунајтед на начинот на кои се надеваа навивачите, со голови.

Два постигна на првиот натпревар по враќањето против Њукасл, а еден во натпреварот од Лигата на шампионите против Јанг Бојс, но и покрај головите кои ги постигна Џејми Карагер смета дека Роналдо ќе донесе и проблеми за Јунајтед.

„Би можело да се каже дека неговиот потпис е подобар за Премиер лигата отколку за Манчестер Јунајтед. Победничкиот менталитет кој го има сигурно ќе го направи Јунајтед посилен. Но, неговото доаѓање не може од тимот да направи колектив кој ќе освојува титули или да наметне начин на игра, нешто што му недостасува на Јунајтед“, објаснува Карагер.