И Милан го сака Игуаин

Гонзало Игуаин ова лето готово сигурно ќе го напушти Јувентус после пристигнувањето на Кристиано Роналдо, а фаворит за неговиот потпис е Челзи.

Меѓутоа, денешното издание на „Кориере дело Спорт“ пренесува дека и Милан се вклучил во битката за потписот на Игуаин.

Новите сопственици на Милан, инвестицискиот фонд „Елиот“ од следната недела ќе почнат и официјално да оперираат со клубот и сакаат значително да го засилат тимот за следната сезона.

Наводно „росонерите“ веќе спремиле 60 милиони евра за нов напаѓач, а дел од тие средства ќе бидат финансирани од продажбата на Никола Калиниќ и Карлос Бака.

Весникот тврди дека првата желба е Гонзало Игуаин, а доколку Аргентинецот се пресели во Челзи, тогаш „росонерите“ ќе се насочат кон Алваро Мората.

According to @CorSport, #Elliott wants to bring #GonzaloHiguain to Milan.#weareacmilan #ForzaMilan #CalcioMercato pic.twitter.com/5woXl7h62L

— Milan Fans Macedonia (@MilanFansMKD) July 16, 2018