Италијанско дерби за потписот на Миленковиќ

Дефанзивецот на Фиорентина и српски репрезентативец, Никола Миленковиќ е на мета на Интер и Јувентус.

Двата клуба се во потрага по дефанзивец, а Миленковиќ влезе во последната година од договорот и неговата цена е 15 милиони евра.

Интер поради финансиски проблеми најверојатно ќе го продаде Скриниар за кого ПСЖ нуди 65 милиони евра.

Поради тоа „нероаѕурите“ сакаат да донесат двајца дефанзивци, прва желба е Бремер од Торино и Миленковиќ од Фиорентина.

Јувентус е во напредни преговори со Челзи за продажба на Де Лихт и исто така сака да донесе двајца дефанзивци, па Миленковиќ е на списокот на „старата дама“.

Останува да видиме кој од двата италијански гиганти ќе ја добие битката за потписот на Србинот.