Интер ослабен во дербито со Рома

Италијанскиот шампион Интер во недела од 20:45 часот и гостува на Рома во дербито од осмото коло во Серија А, а тренерот Симоне Инзаги пред овој натпревар се соочува со проблем во ростерот.

Неговите планови се нарушени поради повредата на Пјотр Зелински, кој претходно мораше да го напушти натпреварот од Лигата на нации против Хрватска (3:3) во кој беше и стрелец.

Полскиот играч за врска само што влезе во одлична форма се повреди на дуелот во Варшава.

Прегледите во клубот покажале дека не се работи само за истегнување, па тој веројатно ќе одомори овој викенд. Интер сака тој да биде максимално подготвен за „Дербито на Италија“ против Јувентус кој следи наредниот викенд.