На „Џузепе Меаца“ ова лето пристигнаа четири нови играчи, станува збор за младите Николо Занило и Јенс Одгард, потоа дефанзивецот Милан Шкриниар и искусниот голман Даниеле Падели.
Денес на прегледи во Милано пристигна и Борха Валеро кој до крајот на денот и официјално треба да стане играч на Интер за 7 милиони евра (5,5+1,5).
Сепак, тоа е само почеток и „нероаѕурите“ допрва спремаат големи трансфери, а италијанските медиуми пренесуваат дека наскоро би можел да стигне десниот бек на ПСЖ, Серж Орие.
Брзоногиот фудбал од Брегот на слоновата коста е на радарот уште на Јувентус, Тотенхем и Барселона, но медиумите тврдат дека Интер е спремен да ја победи конкуренцијата.
Покрај Орие, Интер е заинтересиран и за уште неколку фудбалери на ПСЖ, како Адриан Рабио, Лукас Мура и Анхел ди Марија.
Учество во игри на среќа е дозволено за лица со 18+ години. Играј одговорно!