Има 20 години, вреди 85 милиони евра, а го посакуваат Баерн и Барселона

Младиот фудбалер на Баер Леверкузен Флоријан Виртц (20) е желба на Баерн и Барселона, пишуваат германските медиуми.

Виртц може да игра во средниот ред, но и како крилен напаѓач и е еден од најбараните германски фудбалери.

Барселона веќе некое време го следи, а медиумите пренесуваат дека сега во трката се вклучи и германскиот шампион Баерн.

Баварците сакаат да ја градат иднината околу Виртц и уште еден 20-годишен Џамал ​​Мусиала, кој во Минхен пристигна во 2019 година од Челзи.

Младиот плејмејкер има долгорочен договор во Леверкузен и најверојатно ќе чини цело богатство. Трансфермаркт го проценува на 85 милиони евра.

Виртц досега има 113 настапи за водечкиот тим на германскиот шампионат и постигна 26 голови, а за германскиот тим забележа и 11 настапи.

Сезонава има три гола и четири асистенции на 10 одиграни натпревари, а со Баер е под договор до летото 2027 година.