Има само еден начин Зидан да остане во Реал Мадрид

Во јануари Реал Мадрид беше елиминиран од два различни турнири и на тој начин „кралевите“ ја загубија можноста за тројна круна.

Атлетик Билбао го победи Реал во Суперкупот, а потоа тимот на Зидан беше елиминиран од Купот од третологашот Алкојано.

И во Примера исто така Реал се наоѓа во резултатска криза, па после поразот на Леванте заостанува цели 10 бода зад лидерот Атлетико, кој има и натпревар помалку.

Сега сите надежи за трофеј „кралевите“ ги имаат во Лигата на шампиони, а тоа може да биде и спасот за Зинедин Зидан. Само со триумф во најпрестижното натпреварување Зизу може да си го зачува тренерското место, пренесува „АС“.

Шпанските медиуми се сигурни дека Зидан и Реал Мадрид ќе се разделат на крајот на сезоната ако „кралевите“ не успеат да триумфираат во Лигата на шампиони.