Изненадување: Хуан Мата на чекор од Барселона!

Шпанскиот играч за врска, Хуан Мата на крајот на сезоната сигурно ќе го напушти Манчестер Јунајтед.

Договорот на Мата со „црвените ѓаволи“ истекува на крајот на сезоната, а бидејќи не дојде до договор за продолжување на соработката, тој ќе биде слободен да си бара нов клуб.

Мата е желба на неколку европски гиганти, меѓу кои и Атлетико Мадрид, но последните информации од Шпанија говорат дека играчот како слободен агент ќе се пресели во – Барселона.

Според тврдењата на каталонски „Спорт“, 31-годишниот играч за врска ги договорил сите детали со Барселона, но трансферот ќе биде официјализиран по завршувањето на сезоната.

„Мата има и други понуди, но Барселона е негова прва опција. Поради тоа ги одби сите понуди на Јунајтед, а во Барса ќе потпише двегодишен договор со можност за продолжување на уште една сезона“, пишува каталонски „Спорт“

Ернесто Валверде смета дека Мата ќе биде многу корисен во неговата ротација, а Шпанецот на „Камп Ноу“ ќе заработува 5 милиони евра по сезона.