Изненадувањето на денот: Џирона во натпревар со четири гола остана непоразена на „Ноу Камп“ (ВИДЕО)

Тимот на Џирона вечерва направи изненадување и остана непоразена на гостувањето кај Барселона на „Ноу Камп“.

Возбудливо беше вечерва во Барселона каде што домаќинот ја пречека Џирона и на крајот гостите успеаа да стигнат до бод одигрувајќи 2:2.

Натпреварот започна добро за Барса без најава за нешто неочекувано, Лео Меси постигна гол во 19-тата минута после додавањето од Видал.

Проблемите за Барселона започнаа во 35-тата минута кога дефанзивецот Легле заработи црвен картон, а гостите десет минути подоцна стигнаа до изедначување со голот на Стуани.

Истиот фудбалер донесе „студен туш“ на „Ноу Камп“ во 51 минута кога Џирона стигна до водство.

Конечните 2:2 ги постави Пике во 63-тата минута.

После ова повеќе нема екипи со максимален ефект во Шпанија и Барселона и Реал Мадрид сега имаат ист број на бодови, по 13.