Идната среда играат Лига на шампиони, а се соочија со невообичаен проблем – крт на стадионот!

Пред првиот натпревар од Лигата на шампионите оваа сезона Шахтјор Доњеск се соочи со невобичаен проблем.

Не, не се работи за тоа дека некој им ја краде тактиката, ако помисливте на тоа. Овој клуб има проблем со вистински – крт!

Пред натпреварот со Хофехајм идната среда на нивниот стадион се појавил крт кој ископал неколку дупки.

За среќа од клубот соопштија дека брзо го решиле проблемот со непосакуваниот гостин.

„Успеавме да го средиме теренот и да го фатиме кртот. Теренот сега е во одлична состојба“, соопштено е од клубот.

Во соопштението не се наведува што е направено со кртот.

Шахтјор своите натпревари ќе ги игра во Харков на стадионот на Металист поради нестабилната ситуација во Доњеск.