Игуаин: Среќен сум во Милан!

Аргентинскиот напаѓач Гонзало Игуаин во интервју за „Скај Спорт“ категоричо ги демантираше шпекулациите дека не е среќен во Милан.

Игуаин ја одработува суспензијата од два меча во Серија А, но утре ќе го води нападот на „росонерите“ против Дуделанж во Лига Европа.

„Направив грешка, се извинив и верувам дека тоа повеќе нема да се случи. Сакам да му покажам на Милан дека не погреши што инвестираше во мене. Јас сум многу среќен овде и сите во клубот го знаат тоа“, изјави Игуаин.

„Утре треба да победиме по секоја цена бидејќи нашата цел е да ја поминеме групата. Имам голема желба да играм, не сакам да бидам надвор од тимот“, додаде Аргентинецот.

"Non devo riscattarmi. Dimostrerò che il #Milan ha fatto bene a puntare su di me". #Higuain parla poi della possibilità Ibra…?https://t.co/uaHIoKLCgH

— Gianluca Di Marzio (@DiMarzio) November 28, 2018