Игуаин: Веќе се чувствувам дел од семејството Милан!

Гонзало Игуаин ова лето пристигна во Милан од редовите на големиот ривал Јувентус и веднаш се вклопи во тимот на „росонерите“.

Игуаин вчера постигна два гола против Киево и тоа беше петиот натпревар по ред на кој постигува гол оваа сезона.

„Чувствувам дека веќе сум дел од семејството Милан. Ние сме фантастична група која работи напорно и сакаме да се подобруваме од натпревар во натпревар“, изјави Игуаин.

„Имавме малку тежок старт, но сега сме на вистинскиот пат и треба да продолжиме така. Милан ми даде многу самодоверба и поддршка од првиот ден и сакам да се заблагодарам за тоа. Ова е фантастичен клуб, еден од најтрофејните во светот, а тоа е мотив плус за мене“, додаде Аргентинецот.