Играч како Меси се раѓа еднаш на 50 години!

Челзи синоќа доживеа тежок пораз од Барселона и беше елиминиран од Лигата на шампионите, а тренерот на „сините“ изјави дека разликата ја направил Лионел Меси.

„Меси е фудбалер кој се раѓа еднаш на 50 години. Тој е најдобар во светот и на направи разликата. Меси може да го реши секој натпревар, против секој тим. Меси започна со Барселона и сум убеден дека ќе ја заврши кариерата во овој тим“, изјави Антонио Конте.

„Треба да им честитам моите фудбалери за нивната посветеност и да кажам дека сум горд со нивното однесување. Но Меси ја направи разликата и треба да му ја оддадеме заслужената почит. Тој е супер, супериграч. Зборуваме за неверојатен талент, најдобар во светот“, додаде Италијанецот.