Ибра најави враќање: Се уште сум број еден!

Златан Ибрахимовиќ се рехабилитираше од повредата и после осум месеци рехабилитација е спремен да се врати на терените.

Иако има 41 година, ветеранот се уште е полн со самодоверба и тврди дека е подготвен повторно да покаже дека е број еден.

„Добар сум. Се вратив во тимот и се чувствувам слободен на теренот и надвор од него. Бев трпелив затоа што морав да се вратам на врвот, а опоравувањето оди според планот“, истакна Ибрахимовиќ.

„Јас сум се уште Бог, се уште сум број 1, сега се вратив и музиката се менува. Имам толку многу желба, сакам да направам толку многу работи, она што го изгубив во овие седум или осум месеци. Јас изгубив време. Тимот во криза? Не сум загрижен, ова се нормални моменти во една сезона. Сега мора да разговараме малку и да ја докажеме нашата вредност на теренот“, порача Ибра.