Зошто Дембеле вчера го гледаше натпреварот на Сандерленд?

Фудбалерот на Барселона, Осман Дембеле вчера ја изненади фудбалската јавност откако се појави на натпреварот помеѓу Сандерленд и Шефилд Јунајтед.

Чудно беше за многумина што напаѓачот на Барселона кој во овој момент е повреден се појави на тој натпреварот и не се знаеше каква е поврзаноста на Дембеле со овој клуб.

Сепак, набрзо од шпанските медиуми стигна објави објаснување. Имено, Дембеле бил добар пријател со претседателот на Сандерленд Кирил Луис-Драјфус и токму со него го следеше натпреварот.

Се потсети дека Дембеле минатата сезона преку социјалните мрежи му честиташе на Сандерленд за пласманот во Чемпионшип. Инаку, францускиот бизнисмен и прв човек на Сандерленд има само 25 години и тој е најмладиот претседател на клуб во Англија.

Доаѓањето на Дембеле секако беше голема чест за него, но на крајот тие немаа причина за радост бидејќи Сандерленд беше поразен со 1:2.