Златан со изјавата дека игра бесплатно ги налути газдите на Милан

Златан Ибрахимовиќ во интервју за „Газета дело Спорт“ пред неколку даде изјава со која наводно ги налутил газдите на Милан.

Ибрахимовиќ во споменатото интервју изјави: Зборуваа дека во Америка сум отишол за да се пензионирам пополека, па се вратив во Милан. Тука сум од чиста страст и љубов бидејќи за Милан играм практично бесплатно“, изјави Златан.

„Ил Журнале“ пишува дека со тоа жестоко го налутил семејството Сингер кои се сопственици на инвестициониот фонд „Елиот“.

„Длабоко сме вознемирени од тие зборови на Ибрахимовиќ“, порачале од газдите на Милан.

Јасно е и зошто се лутат. Ибрахимовиќ во јануари потпиша за Милан до крајот на сезоната со хорнорар од 3.5 милиони евра и потенцијален бонус од 500.000 евра. Освен тоа тука е и клазулата во неговоиот договор.

Имено, ако Ибрахимовиќ од актуелната сезона одигра 50% од натпреварите на Милан договорот автоматски ќе му се продолжи на уште една сезона во која ќе има загарантирано шест милиони евра во која може да добие и уште четири како бонус.

Овој услов Златан ќе го исполни бидејќи до сега од можни 20 одигра 15 натпревари, а до крајот на сезоната останаа уште пет. Во тие натпревари постигна шест голови и подели три асистенции.

Ибра игра одлично, но далеку од тоа дека за Милан игра бесплатно.