Зидан не знае ништо за трансферот на Јовиќ: Никој ништо не ми кажал!

Лука Јовиќ договори трансфер во Ајнтрахт Франкфурт.

Потврда за трансферот стигна вчера од раководството на германскиот тим, а денеска Зинедин Зидан шокираше со својата изјава за српскиот напаѓач.

Тренерот на Реал Мадрид тврди дека на него никој ништо не му кажал за заминувањето на Јовиќ.

„Лука Јовиќ е се уште тука. Не е во тимот поради повреда и никој ништо друго не ми кажал. Ќе видиме што ќе се случи.“ – изјави Зидан и додаде:

„Јовиќ е стрелец и тоа од него го сакаме. Немаше среќа, треба да се адаптира и не е воопшто лесно. Мора уште многу да учи, неговото време ќе дојде. Се работи за квалитетен играч.“

Реал Мадрид утре го игра полуфиналниот натпревар од Суперкупот против Атлетик Билбао.