Зидан: Критиките се заслужени, особено кон мене

Тренерот на Реал Мадрид, Зинедин Зидан ја презеде одговорноста за поразот од Кадис во Примера.

„Критиките треба да не направат посилни. Нормално е да има критики. Единственото што можеме да го направиме е да работиме посилно. Ги заслуживме критиките, особено јас“, изјави Зидан пред утрешниот меч со Шахтјор во Лигата на шампиони.

Зидан потоа беше прашан дали Реал Мадрид е фаворит во Лигата на шампиони.

„Ние знаеме кои сме и колку вредиме. Важно е да бидеме добро подготвени, бидејќи многу тимови сакаат да ја освојат Лигата на шампиони. Ќе се обидеме да ја освоиме, но со сигурност ќе има и тешки моменти“, заклучи Зизу